عمار يانخلٍ اعذوقه مدابيح..!!

عمار يانخل اعذوقه مدابيح
الله يعمره ويتكفل ابسوقه
تمره يوزع للوجيه المفاليح
وحلو الخراف من النواجح اعذوقة
حتى اظلاله فيه من نفحة الريح
جلسة نفاه بالبراد امعشوقه
يلقى به الداني حشية وتفريح
ورطب الخراف من المذانيب فوقه
هذا النخل نخل الرجال الزحازيح
اللي بوقت القيض تظهر احقوقه
ماهوب نخل صاحبه نذل واشحيح
محد من اللي يستحقه يذوقه
جعل السرو يرعا مثانيه وايطيح
لابارك الله فيه واللي يسوقه
حتى الطيور امنفره منه بالصيح
اعاقها ياعل ربي يعوقه
ما اقولها تشميت والا تباريح
الا امدح الطيب وابين افروقه
امجازي فعل الكرام الطحاطيح
وافهم بها اللي قاصرات اسبوقه