الأرض

الأرض عرض أهل الوجيه المفاليح
اعمارهم فدوة لعشق المليحه
بنت حوت جمال كل المماليح
أخت الرجال اللي ينومس مديحه
حنا فداها نعلن القول تصريح
من دونها ما نستمع للنصيحه
أرضٍ غلاها ما تزحزح ولا يطيح
وان طاح تبقى للجبين الفضيحه
أسجد عليها خاشع القلب ومريح
وارفع ايديني للعزيز استبيحه
واقول يا ربي تحلله وتبيح
اللي عشق داره وتربة مطيحه
والبارحه ما بين آية وتسبيح
قضيت ليلي.. بالعلوم الفليحه
وأيقنت ان الأرض روح وتباريح
وحلَّق خيالي والمساحه فسيحه
وناديت يا دار السعود الزحازيح
غلاك صعب انسان مني يزيحه
حموك جداني على الفطَّر الفيح
واليوم حنا للوجيه القبيحه