الحزن عم المملكة

الحزن عم المملكة وكل الأوطان
ولكل منهم دمعته فوق خده
عليك يا نايف ذرانا كحيلان
ياكثر معروفه على اللي يعده
حقك عليّ أرثيك يا ذرب الإيمان
يا فزعة اللي جاير الوقت ضده
تسابقت فيك القوافي والأوزان
تنعاك بزكاء بيوتها المستعده
مرحوم يا أمير له الطيب عنوان
يا باذل للطيب ماله وجهده
يا مفزع لفلان وفلان وفلان
لو يجتمع له مال قارون بده
كنه على راس الطويلات نيشان
يمنن تمد من العطاء ما ترده
هو والكرم دايم رفيقين واخوان
يفرح به اللي جاير الوقت ضده
الخير في طلة محياه لابان
والطيب في الطيب ينومس مشده
في قلوب شعبه له معزه ومسكان
اللي تعبر عن قلوباً توده
يا كافل الأيتام عن ضيم الأحزان
شيال حمل اللي حموله تكده
راح وبقى فعله على طول الأزمان
أصبح كرم نايف كلاً يعده
عساه ينعم بين مسكن وريحان
في جنة الفردوس فيها مدره
سعود بن بدر بن المقاطي