حبك الغالي

أنا ماظن تحرمني حنان الحب لو تدري
ولكن ساكن بديره بعيداتٍ ضواحيها
لها تدفعني أشواقي واترجم شوقي بشعري
تعلق خافقي فيها ولا الخفاق ناسيها
هجوسي من كثر شوقي وحبي والولع يسري
واحس أن الطيوف العابرة نفسي تناديها
على بعدك وحرمانك صبرت ولا نفع صبري
رع الله بالهوى نفسٍ شكت قاسي لياليها
تهاونت القسى كله لحبك والزمن يجري
على شان العيون اللي ضمير الشوق يشكيها
تراها مرت أيام وطافت من زهر عمري
ولا عندي سوى غيرك بهالدينا وما فيها
ليامن مت وما شفتك ياليت انك تجي قبري
لعلك في قدومك تذكر العشره وتبكيها
توفى حبك الغالي وعمره بالهوى بدري
وكفنته قصيده صادقة تشرح معانيها