فكيت السبوق لطيري اللي مل من وكره

انا البارح نشف ريقي وصبيت العسل من ريق
ونثرت الكأس في وجه الغشيم اللي يبا حكره
تلوح بخاطري فكره على معنى بلاتوريق
وفكيت السبوق لطيري اللي مل من وكره
وحلق في فضاه وفض فكري وابتدا التحليق
على صدق الكلام المعتبر والشيء من ذكره
يقولون الوفاء بطويق واقول الوفاء بطويق
شموخ المحترم لابد ماتتعب على شكره
يفوح الطيب طيبٍ واكتفي منها بلا تعليق
مثل ما فاح طيب العود كف الطيب تحتكره
اهوم لكل عالي وارتجيه ومن عليه اويق
ينومسني رفيع الشان من منا الى بكره
يقولون العواذل في مشاريه العرب تبريق
وانا اقول الرفيق المعتلي لو طال مايكره
عبدالله الهقاش