نايف ولي العهد

قصر الحكم جيته على تالي عصير
جيته واشوف الناس باشناقه افواج
لمبايعة نايف جموع وطوابير
فوق الحرير يسوقهم سلك ديباج
سكّاب نوّه خير ورد وأزاهير
درع الوطن نايف وحنا له سياج
قصر الحكم هيبة وقيمة وتقدير
من يارده كنّه على عد هداج
الناس من حوله ورود ومصادير
بيعة ولاء منهاجها خير منهاج
حب ووفاء ماهوب حب الغنادير
دون الوطن ناطى على صالي الصاج
نايف وحنّا لك على طول يامير
هذي مشاعرنا سَرت تلعج العاج
نايف ولي العهد والعهد بك غير
عهدٍ علينا لاظلمت نوقد سراج
قصر الحكم جيته بعد حزّة عصير
جيت ولقيت الناس في وسطه افواج
عبدالرحمن بن محمد الفاضل