حبك قدر وفراقك أقسى المقادير

ياساكن بعيني وياغالي الروح
يا غايتي بالحب وسيد الغنادير
اسهر بلهفة وروحي عليك تنوح
وتغيب ولا القاء منك غير المعاذير
قلي على من اشكي الحال وابوح
لصار حزتي فوق كل التعابير
لي قلب لويصرخ ملا العالم اجروح
ولي عين لو تدمع غشتك النواوير
صدري لكل الناس عامر ومفتوح
ياما وياما جوو ورد ومصادير
إلا انت جيت وجاك الاحساس مشروح
اسكن هنا وحدك لك السر والبير
ماكان لك في الصد والبعد مصلوح
حتى تشربني معاك المخاسير
مسموح ياغالي ولو رحت مسموح
حبك قدر وفراقك اقسى المقادير
عبدالرحمن الكريمي