عساه بالفردوس

يا خادم البيتين كني على كير
وقلب العناء ينلاع مما جرا له
وهلت دموع العين مثل الشخاتير
والعين جابت صافيه مع حثاله
نعزيك في سلطان زبن المقاصير
ليت المرض شاور وروحي بداله
امر قضاه الله والي المقادير
الله حكم بالموت جل جلاله
مرحوم ابا الخيرات وسموه ابو الخير
ابو الارامل واليتاما عياله
سلطان في وجهه تشوف التباشير
يضحك حجاجه من نصاه وعناله
يغيث من ضاقت عليه المعابير
والحمل لو يثقل لك الله شاله
ولي عهد وقايد للمغاوير
يرسي كما ترسي رواسي جباله
نبكي على سلطان صباح وعصير
نبكي على رمز الوفاء والشكاله
عساه بالفردوس ورد ومصادير
يحشر مع المعصوم راع الرساله
وحكامنا ال سعود ما فيه تقصير
حكومة كله كمال وجماله
خدام للبيتين والشعب وتجير
ال سعود اللي يظلل ظلاله
وحنا خدمهم بالرخاء والمعاسير
حنا خدمهم بالجنوب وشماله
دغيم فهد الخمشي