شوف أبو خالد سالم

بديت باللي تسجد الناس لرضاه
الواحد اللي يعلم السر والغيب
نحمدك يا رب جزال عطاياه
ما تنحصي لو عددوها الحواسيب
اللي شفا سلطان من عارض جاه
بأمرك شفيته يا سميع المطاليب
عقب المرض شافاه ربي وعافاه
ورجع لنا يشع على وجهه الطيب
باسم الوطن نهني الملك بشفاه
ونهني الاسره شبابه مع الشيب
نهني الشعب السعودي بلقياه
الله يحفظ شعبنا والمعازيب
شوف أبو خالد سالم محد ينساه
عيد لكل الشعب شرق وتغريب
وشمال ولا في جبال السراواه
الكل يدعيله عسى الخالق يجيب
عسى الولي يحميه ويسدد خطاه
أميرنا المحبوب مابه عذاريب
مابه عذاريب ليا حل طرياه
الا الصخى والطيب يا قمة الطيب
على الصخى والطيب والده رباه
ونفذ وصاته دون شك ولا ريب
ومشى على دربه ونهجه وممشاه
هرج صحيح ما تجيه الأكاذيب
سعادة كل الشعب هي غاية مناه
يحاول يحققها بكل الأساليب
طيلة حياته تفعل الطيب يمناه
يفك حاجات الرجال المناويب
كم واحد جبر صوابه وو اساه
ريف الأرامل واليتامى المصاويب
وكم واحد مريض للغرب وداه
على حسابه دون منه وتحسيب
ومهما كتبنا ما تعدد سجاياه
ما ياسعه كل الورق والمكاتيب
من زود طيبه دوم يفزع لمن جاه
من الشعب ولا من عداد الأجانيب
خلف خشان عتيق الشلاقي