ضحية خطا صراف

تصوير للحالة المنشورة في صفحة الرياض في عددها 13461 في ربيع الأول 1426ه تحت عنوان عميل بنك يناشد باسترداد أمواله..
يقول أنا ما على خلاف
مادام معي السنافيه
بطاقتي في يدى ما أخاف
ينصب على الحرامية
قبل رصيده به الآلاف
واليوم ما به ولاميه
لامن درابه ولا من شاف
ماخوذ ما به ولا بليه
من شدة الضغط جاه رعاف
وغما ورجفه جنونيه
أخاف ما يوصل الاسعاف
يموت ماياخد شويه
وشلون يالربع يالعراف
وشلون أقدم شكاويه
من أشتكى منهم الاطراف
والسارق آله حديديه
لابد بالاسم والاوصاف
وتصير شكوى نظاميه
بس البلاوي تجيك أصناف
هذيه أعبر على ذيه
بعد الغنى يطلب الاسلاف
يدور وسط الغناويه
اللى تجمل عطاه لحاف
والباقي أخذوه سخريه
ما بينهم كنه المجداف
بالشمس مايقرب الفيه
أصبح ضحية خطا صراف
واشر منهو له ضحية
آله تركب بغير أشراف
ولا هي من السرق محميه
ناساً عليها سبح وأطياف
كنه حراب الشريطيه
من حولها دائم وقاف
في الليل حتى العصاريه
من وضعهم مبتلش وأخاف
أبا الفياض الخلاويه
مبروك النامي