يا مرحبا يا غالين شوف زوله شوف السعد والخير في طيب الفال يا مرحبا ياللي علينا قبوله مثل الحيا لاقبل على الارض همال زعيم دوله لاولاكل دوله دوله لها في راية العز منزال ملك وكل الشعب يلتف حوله مثل الابو والشعب كله له أعيال! لا ما يفرق بين ذوله وذوله والشايب يناديه ياعم ياخال يمسح دموع اللي همومه تغوله وبيدينه الثنتين يقتص الاقفال همه رضى رب الخلايق ينوله وخدمة حجيج الله على الحل والحال خادم حرم مكه ومسجد رسوله اكبر شرف عنده ومنطوق ينقال ويشهد على ماقلت انا له فعوله والارض تشهد في مشاريع واعمال ما هو كلامن بالمجالس نقوله هاذي حقيقه والحقايق بالفعال واخذله بنفسه مع الناس جوله وسط البيوت اللي من الفقر تنهال عبدالله الي وان بدت لك فعوله في عهده الميمون بالمدح تحتال صرف على البنيه وكب السيوله ونبتت مدن طالت على روس الاقذال لين الرضى خيل علينا سدوله وتبين المحصول من زرع الامال صارت صحارى مملكتنا خجوله من كثر ماجاها من الخير والمال وتشوفها مثل المهاة الجفوله الي بريضان الرخاء راسها طال ولاعاد بالممشى يبيلك ادلوله كثر المعالم خلت العين تهتال وسلامة الشعب بسلامة وصوله لارضن غلاها ورث بقلوب الاطفال حياك ياراس الفخر حي زوله في ديرتك وصدور شعبك لك احلال مناحي الفرزه العتيبي
