مرحباً بك يا ولي العهد وأنت العهد كله

من حسن حظ المناصب لا نذكر بالاسم نايف
ايتجمل منصب الحمل الثقيل ابمن يجله
نايف الضلع الطويل اللي لنا ظله مهايف
من جلس في ظل نايف ما يمله ما يمله
لارفع فيصل وغنى فوق مميت السفايف
مافعل صقر الجزيره في زمانه يستحله
للمناصب راس محشوم القدر والكل شايف
وقفته بين الجموع وسيف صوت الحق سله
عاش للبيعه خلف ويعوض غياب السلايف
مرحبا بك يا ولي العهد وانت العهد كله
بيعتك حق ورضى من كل شعبك والطوايف
نجتمع صوت وصدى بالحق في منهج ومله
حاكم لأمن الجزيره ومن رقد ما نام خايف
ومن مشى بين الديار أمن وأمان ولاش ذله
يامن ولاحدن على ما تملك ايدينه يحايف
في ذرا الله ثم ذرا شرعٍ على الرحمن ظله
عزنا وامجادنا بالدين والموجه خفايف
وان دعا الداعي فدا للدار جاك الشعب كله
مناحي شعيان الفرزة العتيبي