حي وجه الخير حي الخير كله

الفرح عم الديار وفاح فله
وارتفع صوت الجماهير الغفيره
حي وجه الخير حي الخير كله
حي عبد الله ملك شبه الجزيره
الزعيم اللي بترحاله وحله
يعشقه شعبه ولا يرضا بغيره
عاد والعود احمدي والحمد لله
واستهلت بالفرح سحباً غزيره
من قرايا الشام لابواب المكله
ومن بحر جده الى بحر الفجيره
شالوا الريات خضراً مسفهله
تسعه وعشرين مليون المسيره
حطم الرقم القياسي في سجله
سيدي صقر العرب في كل ديره
عاد لبلاده ونور به محله
مبتهج شفناه والفرحه كبيره
ما نمله لاوربي ما نمله
خادم البيتين نطاح المغيره
سيفنا البتار بالهيجاء نسله
وتنحني روس العصاه المستطيره
ونحتمي من بعد ظل الله بظله
ونفتخربه في مسانا والظهيره
شعب واحد كلنا مذهب ومله
مسلمين اخوان خلان وعشيره
ماتجمهرنا شقاق ولا مذله
ولا خذلنا بالولا قايد مسيره
تحت بيرق مملكتنا المستقله
بيرق التوحيد مانتبع لغيره
يابلادي قلتها والشاهد الله
من ضمير وكل مخلوق وضميره
حي وجه الخير حي الخير كله
حي عبد الله ولد صقر الجزيره
خلف الأسيد الشراري