الجرح وسط القلب

لا ضاق صدري من صدوف الليالي
عديت في راس الطويل الموالي
وجبت البيوت النادرة والجزيله
وبيحت مكنوني وريحت بالي
ألعب واجر الصوت لو كان مبحوح
واسلى عن همومٍ بقلبي ثقالي
واذكر زمانٍ فات يوم الحبايب
كلٍ وخله والوفا بالكمالي
مافيه طاري للهجر والمصده
الحب دايم والغلا لا يزالي
ليته يعوَد وقتي اللي مضالي
اللي بذكره دايمٍ له مجالي
اشتقتنا له مايعوَض بالاثمان
ذاك الزمان اللي به القلب سالي
واليوم في وقتٍ تزايد بلاويه
والجرح وسط القلب والصبر طالي
يالله تفرجها وتبعد همومي
يا الواحد الوالي على كل والي
نواف بن محمد الصخيبري