يوم غبت وطاري الهم ماغاب

القلب شاب ومظهري توني شاب
والراس ضلع وضيم الايام هده
وين انت مابررت للغيبة اسباب
وحبل الوصل مابيننا ماتشده
من يوم غبت وطاري الهم ماغاب
يزورني في كل ليلة واصده
الوقت يمشي والثواني لها حساب
مليت وانا في غيابك اعده
هو انت تجزي بالجفا عشرة احباب
وإلا انت ماوديت شي(ن) اوده
المشكله قلبي من الحب ماتاب
وحبك عذابن نعنبو جد جده
تعال و(......) قبل نصبح اغراب
ويصير كلن في ظروفن تحده
تعال لاترمي غرامي بالانشاب
وارحم خفوقن باح بالحب سده
تعال قلبي من محبتك منصاب
وطير الفرح بأرض المحبين هده
اما تبي تفتح لمن حبك الباب
وإلا بلاش الحب والباب رده
سامي الوسيدي