ليلة من ليالي نجد.. تسوى ألف ليله الصبا سحري النسمات والشعر نجدي سحرها يستثير الحرف شوق ويشيله الطواريق ماثوره.. وانا اهيم وحدي درانا.. يا جميله يا عنود الجميله جادك الغيث.. براق من الخير يجدي ما سرى البرق وابلج لك احجاج المخيله عز واليك يا برق الحيا المستبدي اطربي يا العذيه يا أم حور كحيله عاد غاليك مشتاق وقلبه مودي عاد سلمان هب الريح حامي الاصيله وازهر الحرف وانثال الطرب في مردي عل فوق الرياض المزن ينقض جديله في عذي الفياض.. وخايع مجرهدي يا طويل العمر.. يا شيخ نجد الجميله يا ملاذ الشيوخ.. ويا ذرا كل نجدي القبايل توحد كلها في قبيله والشعوب بوفاكم للوفا تستمدي يا ذرا الوادي اللي.. وارفات نخيله يا غلا نجد.. وعيون الوطن لك تلدي انت يا شيخ.. مثل العافيه.. والدليله من عرفهن.. عرف معنى الغلا والتندي نقعد بهيبة اسمك من صغا كل عيله وازع بك ولي العرش كل متعدي الجمايل من المولى علينا جزيله نحمد اللي علينا نعمته ما تحدي نحمد الله على رجعتك منجي دخيله سلم.. الله ظهرك من العنا والتردي يا ظهر دولة الإسلام والذات النبيله يا ذخيرة وطنا فالجدا والتصدي ترتكي فالنوايب.. للحمول الثقيله يا عضيد الملوك الصارم المستعدي متع الله.. وطنا.. بك سنين طويله ونبتهل طال عمرك جعل عمرك يمدي واعتذر لك ولاصحاب السمو والفضيله الطواريق ماثوره.. ولا ناب وحدي كلنا طال عمرك فالمحبه قبيله وانت تامر.. وتنهى والغلا لك يودي ثنيان بن ناصر الحوشان - الرياض
