يا زين بالروض الخضر شبّة النار

يا زين بالروض الخضر شبّة النار
وناسة القلب الديار السعاوي
بفياض ممطورة وقفري ونوّار
هذا ربيع النفس وان صرت قاوي
الأرض خضرا والسماء غيم وامطار
ما حولك إلا الذئب بالصوت عاوي
كنه يقول أهلا وحيا الله الجار
بالله وأمانة لك خوي مخاوي
أبشر وأنا ذئب الخلا إن صار ما صار
أقف معك وقفة شجاع حياوي
بس أطلبك دق النجر يابن الأخيار
خلّه وصوتي وان عويت متساوي
قلت إنت يا سرحان لك حق تختار
سيّر وخذ ما تطلبه بالشهاوي
الصّيد واجد لا تحجج بالأعذار
ما غير أنا وياك والليل ضاوي
جلعود لافي الهمزاني