* الأخ معوكس لو جريدة ثانية أعطتك 200 ألف ريال بالشهر وأنت موقع على عقد مع جريدتك السابقة وش تسوي علشان تفسخ العقد وتروح للجريدة الثانية؟! هل تستضيف واحد مجنون مثلا عشان يطردونك؟ أبو طارق _ الخفجي في هالزمن مافيه الا مجانين وقصابين ! •الاخ معوكس أين أجد( المعتوه)و(لكذاب) و( السار) و (شريطي العقا) (وصديق العش) و(الأبله) و (المتعوس) و(شعبولا )؟ أخوك سعد العثمان في الفضائيات كنهم مسلسل مكسيكي! •صباح الخير الهامور معوكس مارأيك بكلام الكنكورد فهد الغشيان الفضائي ولماذا لايتم تكريمه ؟ عبدالله المطيري أبونايف عاشق حي المصيف أقول يازينه ساكت! •عزيزي المحترم معوكس: أرسل لك قبل المباراة وأقول إن شاء الله يتأهل الهلال والشباب ! بس فيه ناس ماودهم ! ؟ صديقك معاذ الحميد- مرات ماودهم للي وداهم للمصحات! * معوكس بديت تخربط وتطلع من التشكيلة خلك ثقيل ومريوس كمان الفهد الرياضي اطلع من التشكيلة بلا مالي واسطة! *اقترح عليك إنشاء قناة رياضية ويكون رئيسها أنت والمخرج «صياد» وأنا عندي لك ثلاثة معدين والضيوف ما يحتاج تتعب حالك بالبحث عن ضيوف؟ سالم الربيشي – الدمام اي والله مايحتاج ياكثرهم لوتبيهم ينومون في الاستديو! •العزيز معوكس .. من برأيك يستحق ان نطلق عليه لقب «المغامر في كل قناة يطامر»؟ صالح الحويلي- تبوك صاحب الرقم القياسي في المداخلات! •مستعد يا معوكس ان ارتب لك حواراً تلفزيونيا على كيف كيفك، ولن تجد أي أسئلة محرجة .. المهم كأنك من عشاق رز الصورة حياك الله؟ نواف المضيبري – الرياض حوار ولاحاشي! •هل صحيح يامعوكس انك تسرق الاجابات على اسئلة القراء .. المهم ترا قوقل جاب لك العيد.. وقد اعذر من انذر؟ فهد الشاطبي – القنفذة السرق معروفين اهله ربع القانون والسمسميه! •يقولون ان عندك أصدقاء في الاتحاد الدولي وإنهم يردون على اتصالاتك ورسائلك أول بأول؟ عبدالعزيز الرثيعي- الجوف وازيدك جوالي مخزن عند بلاتر! •وش رأيك باللي يقول أن نقل مباراة النصر والأهلي الى الملز بسبب الهلال.. هل هذا صحيح؟ أحمد السالم - الرياض يارجال الهلال فيه اللي كافيه خله يطلع منها! •البارع معوكس ترا عندي لك عيدية ولا تنسانا بالرشة على طريقة «المطنوخ» والممنوح قبل اربع سنوات تقريبا؟ جمال البادي - تبوك رشة عسيب ولا سقيما! •اللبيب معوكس صحيح انك كنت ادارياً فاشلاً وانك استفدت من ناديك أكثر مما استفاد منك والدليل انك إذا جاء الصيف أرسل النادي خطاباً الى جهة عملك ورحت مع البعثة للمعسكر الخارجي؟ سليم النومسي- حائل في الصيف ضيعت العمل! *حسب معلوماتي يا معوكس انك فاشل في الشعر النبطي وانك ما غير تحوم حول بعض الشخصيات؟ احوم وش قالك حمامه! •وعيباه يا بو العواكيس يصل الحال ببعض الصحفيين الى تزويد الفريق الإيراني بأشرطة لمباريات الهلال، اين الوطنية؟ اين الحياء؟ خالد الروقي - الخفجي اين الحياء ونيفيز والمحياني! •الحمد لله يا معوكس أننا من الشباب اللي يأكل بيده ولا نعتمد إلا على الله لذلك تراني بارع بالسلخ وهذه المهنة ورثتها، وأن بغيت حواشي والا نعيمي ترانا جاهزين، بس عطنا إشارة وانس الموضوع؟ بندر العصاي -عنيزة. الإشارة دورها عند ساهر يالحبيب! •سمعت ان لديك موقعاً وانك تكتب فيه باكثر من اسم مستعار أحدهم «النايف» ليش ماتكون عندك الشجاعة وتكتب باسم معوكس؟ وردي العنزي- خيبر الشجاعه تلقاها عند رادوي اللي باقي ربعه كن في رجليهم ثقالات! عزيزي معوكس ودي اعرف ليه صاحب الحواشي الاربعة ماخلى بدالها اربع صناديق طماطم، خصوصا ان الطماطم غالي هالايام عبدالملك المرشد-عرقة ماعنده خبره في الطماطم الى فاكهة الاسبوع كن صريحا وقل الحق من السبب في خروج زعيمنا وليثنا من البطولة الآسيوية وهل للمدربين دور في ذلك عبدالرحمن الضويان - العليا لهم دور وللأجانب دور واستراحة
