حلاة الفيافي

من يبي علاج همه لا يروح لطبيب
يذكر الله وذكره اطعم من الشهد
ويبتعد لا تضايق للمكان الرحيب
يلقى ضيقه يروح ودون ادنى جهد
لا طلعت البراري مع رفيق حبيب
ما يجيك التكدر والقهر والسهد
من يبيني تراني عند جال الشعيب
جالسن مع رفيق ٍ ما يخون العهد
عند طير يغرد فوق غصن رطيب
وحولي الصيد وافر من طيور القهد
لو احطه رفيقي فوق جرحي يطيب
ولو طلبته بحاجه فز مثل الفهد
نشرب من المودة لين حد السريب
وعاقدين ٍ وفانا من رباط المهد
والسوالف حلاها وسط جو رهيب
وعن علوم النميمة كل واحد زهد
ذي حلاة الفيافي من بعيد وقريب
كل عرق بقلبي في غلاها شهد
لا طلعت البراري فرحتي ماتغيب
ويصبح الحزن عني غايب ومضطهد
عبدالله سليمان العمّار – القرائن