حصان البيْد

ياحِصان البْيد بّيدت المحافر
تضرب افجوج الخلا والارض وحله
كاسبً لك علم يوم العلم وافر
لالمح لك برق قدْم العين رح له!!
آآه ياطول المسافه للمسافر
السفر رحله وباقي العمررحله
بين درب الحزن وهمومٍ تزافر
ياضمير الصدْق بأحلى حس بحله
يوم انا صامد وبالجزلات ظافر
والردا قلبي بعمره مافرح له
في هوى المجمول ومحياه سافر
والله إن الصدْر دايم منشرح له
والهوى الغلاّب قالوا عنْه كافر
من كتب له؟ فالليالي من شرح له؟
غير فكراً بيني وبينه معافر
اكتبه شعر ونثر ويسيل كحله
وأجَمع اشتات السعاده لو تنافر
وإن غلط سيْد القصايد تندمح له
اغفر الزله ورب الكون غافر
صاحبي وابواب قلبي تنفتح له
وياحِصان البْيد بادْن المحافر
اضرب افجوج الخلا والارض وحله!