ما أخطيت يا بنت العرب

ما أخطيت يا بنت العرب يوم حبيت
ولا تكلفت المودة شطاره
الحب بلوى ذاقه الحي والميت
واللي يذوق الحب ينسى العياره
ما نيب في حبي كذوب ولا أخطيت
المخطي اللي شب في القلب ناره
أخلصت له حبي وعمرت له بيت
بيت بوسط عروق قلبي قراره
كدر علي نومي ولا نمت فزيت
أبدلني بسكر غرامه مواره
قمت أتجرع كأس الأمرار وابديت
شعري وشعري يوم قلته خساره
ما يستحق اللي غدر بي ولا بيت
لكن قلبي ساعي في دماره
يا بنت بينت الحقيقة ولا أخفيت
أظهرت ما في القلب باقصر عباره
أقبلت في الدنيا على الحب واقفيت
والحب صار اليوم شروى التجارة