حنا عيال اليوم

تدرين لو هم يسألوني وش أقول
بقول حبيلك هو اعظم صفاتي
يا شمعة تضوي بدربي على طول
يا بسمة الدنيا وغاية مناتي
يا شمعدان الحب حول بعد حول
يا بلسم جروحي ومنبع غلاتي
قلبي أنا دايم على الشوق محمول
ومن غيرك الايام تعلن وفاتي
وش لي بدنيا ما بها شوق محمول
أكيد ببقى طول عمري احاتي
تكفين يا عمري انا اليوم مقتول
من دونك انواع النكد في حياتي
خلاص يكفي لا تزيديني حمول
يكفي عذاب البعد وما فات فاتي
حنا عيال اليوم والحب مسؤول
يجمع شتات قلوب ذات شتاتي
مقبول ما جاني وكل شي مقبول
دامك معاي انتي سبيل النجاتي
بسهر معك واسمعك كل معسول
بذوقك شهد الحروف بشفاتي
بروض ايام بها القلب معلول
وارويه من حبك شراب فراتي
بالحب كل شي يبي يصير معقول
لانه عظيم ويصنع المعجزاتي
عبيد الغشام