أنفاس الغلا

يمه طلبتك وين صوتك والانفاس=شوفيني قربك مرتمي يا غلاتي
يمّه يقولوا ميته بس لا باس=خذي من انفاس الغلا ثم هاتي
يا فارسة (( غزّه )) وياعقد الالماس=ياللي تحقق لي جميع امنياتي
ردي بكلمه واقطعي عني الياس =ما اقدر اشوفك ميته في حياتي
ردي طلبتك حركي عرق الاحساس =يالله ابسمع قولتك : وش حلاتي
ردي قبل يصبح بي الريق يباس =تعبت من كثر البكا يا مناتي
شوفيني رافعني من الشوق نسناس=واطل في وجهك على ذكرياتي
يمّه تعلمت الصبر منك بقياس=لكن حباله تنقطع في رجاتي
يمّه انا باوعدك مع قوة الباس=لامن كبرت شوي قمت بصلاتي
ورحت اطلب بثارك وانا رافع الراس =واقول في وجه العدو خذ وصاتي
باحط وجهه تحت الاقدام ينداس=وارد هاك الثار لو به مماتي
وادعي ولي الكون يبعد ذا الانجاس=ويجمعني فالجنه مع امي غلاتي