يالنايب الثاني ويا أمن البلادي

اهدي هذه القصيدة لصاحب السمو الملكي الأمير نايف بن عبدالعزيز آل سعود صاحب القلب الحنون الأمير الإنسان الطيب المعطاء. ولساني يعجز عن شكره وامتنانه وليس بوسعي أن أشكره إلا بهذه الأبيات المتواضعة والتي لاتوفي بحقه مهما كتبت أطال الله في عمره وأمده بالصحة والعافية.
وأهنئه بمناسبة حلول عيد الأضحي وأقول له كل عام وأنت بألف خير.
لاهنت ياللي فعول الطيب لك عاده
ياراعي الفزعه وياطب الانكادي
فزعت لي والشكر يانايف عباده
وابغى اشكرك عقب ماحققت لي مرادي
فانت الأمير الذي مانحصي امجاده
وانت الذي تجعل العادي مهو عادي
كلن يبيك وعليك الناس نشّاده
واللي زبن فيك يلقى لجرحه ضمادي
درع الوطن من عدوينه وحساده
يا النايب الثاني ويا أمن البلادي
تنظيم الارهاب جاله منك اباده
قطعت حبل الشرور وكيد الاحقادي
زهابك المصحف وبالليل سجاده
ياالنايف اللي بظلك غيث الاجوادي
يانسل عبدالعزيز مروض القاده
الصاطي اللي يهابه اشجع معادي
منيرة العتيبي