صوت الصورة

يرقص فرح بقدوم شهر الصيام
يحمل على كتفه من الزاد له كيس
ويذكّر الغافل على وصل الأرحام
ويساعد الضعفه وبيت المحابيس
علي رشيد الرشيد
خطوه بخطوه يا عسى الله يعينك
ومبروك شهر الصوم ربي يعيده
وكثر الشراء يا خوي بيني وبينك
هذا سبب واضح لأزمه جديده
صالح علي أحمد المرفدي - القطيف
الصوره اللي ذكرتني زماني
يوم الشوارع ضيقه دربها شين
يا شيخ شلت الكيس والجهد باني
تبي الغداء.. وإلا العشاء للوارعين
عبدالرحمن بن منصور التركي - البكيرية
يا شايب الرحمن وين أنت رايح
والحمل كايد والمسافه طويله
والجبل من طول الدهر فيك طايح
الله يعينك جاك شهر الفضيله
حمد عبدالله الوايلي
تمشي على كيفك مكيَّف وطربان
ودعت شوف مدرّسك والدراسه
مرتاح ما يطلبك عامل ودكان
خالي من ديون البشر والتعاسه
سالم بن مطر - حفر الباطن
حملت كيس الرز فوق راسي
أبيها تاكل زوجتي والبزوره
والمشكله أن تاجر الرز قاسي
عيا عليّ يرخص بالفاتوره
عبدالله الحامد - الرياض
بعض البشر به عادةٍ ما يخليه
في كل عام ما يغير طباعه
وقتٍ به الزحمات ياخذ مقاضيه
يا شينها من عادةٍ يا جماعه
محمد بن عبدالعزيز الخنيفر
حملي على متني رغم كبر سني
الحمد للي متعن في نشاطي
أشيل حملي ما حدن شال عني
وشلون حالي لو شكيت المواطي
محمد بن عبدالله بن حسن
إشكي انا همومي وفقري على الله
ثم على أهل الخير وأهل الملايين
أجدل من الدكان مقضاه .. مقضاه
لا معي لا موتر ولا مسددن الدين
عبدالله الميزاني
أشوف كيسٍ فوق الأمتان محمول
مدري ذا كيس رز وإلا دباره
قطمة صغيره كنها قطمة الفول
والعود جابه يا عرب يم داره
عبدالمحسن بن محمد المحيسن
يا تاجر الرز عب مخزنك بأكياس
حتى من السوسه وريحه تبيعه
أصغر حجم يكفين شِلتِه على الراس
في مطمعه راع الجشع ما نطيعه
فهد بن عقيل الطويان - بريدة
الرز فوق المتن للبيت شاله
لو زادت الأسعار ملزوم نشريه
شهر الفضايل يفرح القلب بهلاله
وارزاق ربي بالمتاجر وفيره
سعود عائش الحربي - جدة
هل الهلال واشعل جميع القناديل
جانا شهر ربي يسوق البشاير
والصوره اللي شكلها يجلب الويل
من شافها يذرف كثير العباير
خالد بن ناصر المخيمر - روضة سدير
يا شايلن قطمة العيشه
أنتا بديرة هل الخيراتي
من حد جدّه إلى بيشه
تنعم بعزاً وخيراتي
عبدالكريم عبدالرحمن السلوم
صورة العدد
نرحب بمشاركاتكم الشعرية على الفاكس 4871070
أو الإيميل الخاص بصفحة الخزامى
rb-khozama@alriyadh.com
زاوية (صوت الصورة).. ويا هلا