الله يرده للوطن بالسلامة

يانجد طال غياب رجل المهمات
الله يرده للوطن بالسلامه
سلطان سلطاناً نحبه من الذات
ربي رفع قدره ورافع مقامه
حبه بقلبي من كبار الزعامات
فارض على نفسي كبير احترامه
من يوم وأنا صغير للحب نظرات
يارب شافه وتتسمع كلامه
عضيد أبومتعب حسام البطولات
يغير الميزان رمية اسهامه
غلاه في قلبي بناله صروحات
مشيداً برجه وعالي نظامه
الشامخ النادر بوسط القيادات
يا الله تحقق كل شين يرامه
فكل يوم مراقباً للإذاعات
وافرح إلى شفته وردد علامه
الشعب يدعي في جميع الصلوات
من منبر القبلة لشرقه لشامه
كلاً يقول ودعوته فالنهايات
يا الله رد الشيخ لأرض اليمامه
أبو اليتامي بالكفوف الجزيلات
الشعب في قلبه يزيد اهتمامه
غيث الوطن ريف القلوب الشقيات
اللي عليها من زمنها غمامه
ولي عهد المملكة فالريادات
وقائد لجيش العرب علم وزعامه
والحمد للمعبود طهر وسلامات
وعسى المرض تكفير يجلي ظلامه
وختامها يا الله رب السماوات
تحفظ ملوك العز رمز الشهامه
فيصل مرضي الشاطري