تمطر علينا

يا الله يا فارج هموم الصعايب
يا الواحد اللي كلنا نستجيره
تمطر علينا من غزير السحايب
وتسقي دياريا الدولي من غزيره
من عقب ما هي ممحلات الشعايب
تمطر علينا من غزيره وخيره
ويا محلا شوف الخلا والنجايب
وشوف الخضار اللي لطيف عبيره
في صحصح يعجب بشوف الرقايب
وشوف الفياض وشوف لامع غديره
تجلي الهموم اللي بقلبي عطايب
وتسعد نفوس من شقاها ضريره
الله عليها شوفها له طرايب
تطرب حقوق عن هموم كثيره
مع ربع غالين ولا هم غرايب
ربع لهم طيب ومعزه وجيره
ربع لهم بالطيب عز ومهايب
اهل الوفا وأهل الوجيه السفيره
هاذي طراة الروح والهم غايب
ولا الزمن مقفي بشره وخيره
نفل محمد الصخيبري الدوسري