سقنا على شوفة سموه تباشير

الوفاء والولاء لولاة الأمر الكرام هما ديدن أبناء المملكة العربية السعودية. والقصيدة التالية في مقام سيدي ولي العهد نائب رئيس مجلس الوزراء وزير الداخلية الأمير نايف بن عبدالعزيز -أطال الله عمره وأدام عزه-:
الحمد للِّي عاد نايف لنا بخير
والشكر لله زال شرّه وطايب
سقنا على شوفة سموه تباشير
واسترَّت عيون الجزيره بغايب
عم الفرح وإعشوشبن التعابير
وحلو النسايم رافقن الهبايب
ربي يجيرك عن سبب كل تعكير
يا سيف نجد بحاميات النوايب
لك في محانينا معزّه وتقدير
وأكثر غلا من عيالنا والقرايب
محبتك فاقت جميع التفاسير
لا كثرت الأريا لك الرأي صايب
يامير وجهات النظر كلها غير
ولك نظرةٍ بكبار سود النشايب
حتى تساوت بالنسب والمعايير
تشابهت من عقب ماهي غرايب
من ما يأثر ما ترك أي تأثير
وفعل المسبب مرتبط بالسبايب
بالضبط تفهم كل ما بالتصاوير
وتدرك وش اللي مقبل الوقت جايب
لا طبت نصبح سيدي كلنا بخير
وأنا أحمد اللي ردك اليوم طايب
الشاعر/ محمد بن هزاع العريعر