الشعب كله بايعوه ورضوبه

لا والله الا الموت هبت هبوبه
وصاب أمة الإسلام بام المصايب
أسوأ خبر فالمملكة صرحوبه
الحزن غامرنا شباب وشايب
مات الفهد عز الوطن والعروبه
رجل السياسة بالامور الصعايب
كل العرب يوم الفهد حزنوبه
الحاكم الضرغام وقت النوايب
شرقه وغربه والشمال وجنوبه
تنعاه ساعات الرخاء والحرايب
وصار بمكانه من رضوه وهقوبه
بيعة ولاء تعطا عطيب الضرايب
يعيش عبدالله ملك وأعلنوبه
سديد رأي لياحصل به نشايب
يعيش رجال الوفاء لا حكوبه
الله يفكه من شرور السبايب
وولي عهده بالامور أمنوبه
سلطان ابو خالد عزيز القرايب
الشعب كله بايعوه ورضوبه
ولي عهده لابو متعب ونايب
حكامنا فعل الوفاء بينو به
حماة الوطن من كل طامع وخايب
الدين والتوحيد ماساومو به
دستوره القرآن للحق صايب
الدار بالدين الحنيف أحكموا به
منا وفينا والمعزه وهايب
الدار عزوها وصدق أعتنوبه
وفي حكمهم كل القبايل حبايب
حنانبايعهم على مامشوبه
عهد علينا دون شك وحسايب
وكم أزمة بانوابها واوقفوا به
لياصارت أزمات وحرب وطلايب
أزمة فلسطين القضية سعوبه
تكلفوا بشعب شكا من لهايب
وأيتامهم من الحرب تكفلوبه
تعبوا على شانه وساقوا ضرايب
ويوم الكويت أهل العراق أطمعوبه
مشوا على شان الكويت الكتايب
يوم الفهد آل الصباح أنتخوبه
في ساعة فيها أكثر الناس هايب
رد الكويت وقام باللي بغوبه
الطيب طبع فيه ماهو غرايب
خمسة عشر ذكرى الرجوع أفرحوبه
فعل ابو فيصل حي والرأس غايب
بالعز شيد طوبة فوق طوبة
وبالمجد عمر ناطحات السحايب
ويالله تجزاه الأجر والمثوبه
اللي رقد بين اللحد والنصايب
ونهايته كل الامورمحسوبه
وفي صفحة التاريخ تكتب عجايب