توفي حبك

انا ماظن تحرمني حنان الحب لو تدري
ولكن ساكن بديره بعيداتٍ ضواحيها
لها تدفعني اشواقي واترجم شوقي بشعري
تعلق خافقي فيها ولا الخفاق ناسيها
هجوسي من كثر شوقي وحبي والولع يسري
واحس ان الطيوف العابره نفسي تناديها
على بعدك وحرمانك صبرت ولا نفع صبري
رع الله بالهوى نفسٍ شكت قاسي لياليها
تهاونت القسى كله لحبك والزمن يجري
على شان العيون اللي ضمير الشوق يشكيها
تراها مرت ايام وطافت من زهر عمري
ولا عندي سوى غيرك بهالدنيا وما فيها
ليامن مت وماشفتك ياليت انك تجي قبري
لعلك في قدومك تذكر العشره وتبكيها
توفي حبك الغالي وعمره بالهوى بدري
وكفنته قصيده صادقه تشرح معانيها