القناعة كنز

شف طريقك وين لا تمشي كذا
امسك الدرب الصحيح اليا مشيت
لا تطب النار لو تلبس حذا
تنكوي بالجمر لامنك وطيت
مالك ومال اللقافه والوذا
خل خلق الله وناظر وش جنيت
لا لقيت الغانمه منها خذا
واشتر الغالي ليا منك شريت
لا تقول أبي هذا وابي هذا
لا زمن بالضبط تعرف وش بغيت
لا تفك اللي بيدك الا إذا
صرت ماسك في يدينك ما لقيت
القناعة كنز للعاقل غذا
مو صحيح انك تحصل ماشتهيت
كل شي مكتوب من قبلك لذا
لا تحسر لجل شي ما جنيت
أغلب ورود الجنان الهلا شذا
بس فيها فرق كانك ما دريت