فلاش

جاني قبل يومين شايب هو وولده وقال: أنا داخل على الله ثم عليك عندي ولد عمره اثنتان وعشرون سنة مهبل فينا.. طايح بهالحبوب وجابلنا المشاكل وانسجن أكثر من مرة، آخرتها انسجن سنتين ولا نفع فيه، وصاير الحين مثل المجنون.. وحنا ترانا عيال حمولة وما جيناكم الين شفنا بعيونا وش تسوي المخدرات بالواحد.. البارح ما نمنا لا أنا ولا عيالي.. جانا بعد المغرب يطلب فلوس وحنا على قد حالنا وأنا رفضت لاعطيه وراح لأمه ويوم عيت، تصدق قام وعطاها كف.. وقمنا عليه أنا وخوانه وربطناه.. والحين طالبكم أبيكم تدخلونه المستشفى، لا حول ولا قوة إلا بالله.. إلى هالحد وصل بالعيال إنهم يضربون والديهم اللي أمرنا الله حتى ما نقولهم كلمة (أف) لكن هذي المخدرات وخاصة الحبوب اللي طايحين فيها بعض الشباب للأسف.. هي اللي دمرتهم وأبعدتهم عن حياتهم العادية.. ويالله سترك.
الأبرق