فلاش

تصدقون لاحظت شيء بعيال اليوم.. وهم اصغار أكل ونوم وإذا كبروا سهر وسموم.. وأيدني على هذا الكثير وأنا ما أقول كلهم..
بعضهم فيه الخير من يومه صغير.. وتحس انه بيصير رجال تعتمد عليه إذا كبر.
بس كم واحد أسأله.. يقول هذا حال عيالي وخاصة الكبار تحصله نايم بفراشه من الفجر لين المغرب ما يدري من اللي فيه واللي ما هو فيه.. وما يدري أهله وشهم عليه من حال وإلا محتاجين شيء وإذا قام ملى بطنه من نعمة الله ثم ضرب الباب ولا نشوفه إلا الفجر هذا إذا رجع بدري، وهذي طريقة والله ما هي طيبة.
واللي محيرني هالطريقة ما ادري هي موضة.. وإلا عولمة.. لازم تزرع في عيالنا حب العمل والهمة والمحافظة على الصلاة وننصحهم عن السهر والطلعات اللي ما وراها إلا البلاوي والمخدرات.. ويالله سترك.
الأبرق