كل مخطي له على ذنبه عقوبه والعقوبة تختلف حسب الجريمه يردع العايل إلين يقول توبه في جديد الوقت ولا في قديمه محمد عفار المطيري - عنيزة يربطونه بالفلك ويعلقونه مهمل كل الدروس ولا حفظها طالب مهمل وروسه يضربونه ضيع دروس عليه الله فرضها عقلا خزن الغمشي - تبوك أنا أشهد إن القلب يكفخ كما الطير لا مرته ذكرى الرسوم القديمه الله يذكر عصر الأجداد بالخير وعلى عصرنا اليوم خيره يديمه ناصر موسى الحزاب راع الخطا أو مهمل في علامه مربوط بالغتره والاثنين شدوه وبالعصا مقريه نفذ كلامه حال مضت والبعض حيين شافوه سعود عائش التميمي الحربي حمل العصا بالدرس ولى زمانه والصوره اللي بالخزامى قديمه وقت الفلك والحبل والخيزرانه كافح وجاهد والعواقب سليمه عبدالمحسن محمد المحيسن - رياض الخبراء أحيك يا مطوع من الضرب أحيك أزرت بطون الرجل بالضرب كافي اليا مشيت اضلع حكى الناس وشفيك كني على الرمضا من العام حافي سعد الحماد - روضة سدير من لا يغيّب ما عطوه الكتاتيب يعلق على خشبة ويضرب بمشعاب ورغم الخشونه وقلة المال بالجيب تخرج المسؤول وامام محراب سعود بن عبدالعزيز الهزاع يا طالب اليوم شف تعليم الأجدادي حقيقة لو ضحك في مثل الصوره واليوم ما تطلبه تعطى ولا فادي ضعف وتكاسل غيابك مال بحضوره فهد بن عقيل الطويان - بريدة كنا نتعلم سابقاً بالكتاتيب اكتاب ربي والهجاء والكتابه واللي يقصر عزتي للعراقيب يضرب بها ضرب ايبين صوابه ناصر بن جمعان آل عوض - وادي الدواسر ليت الزمان اللي مضى ياهلي يعود والطالب المخطي يلاقي عقابه هيبة معلمنا يا عرب ما لها وجود خطر من الاستهتار يفقد صوابه خالد بن ناصر المخيمر - روضة سدير هذا المطوع في زمان الكتاتيب المهمل شوفة عينك يعاقبونه والعلم يبي له حرص دايم وتأديب والعلم من أخلص أثمرن له غصونه عبدالله سعود الفهيد - الزلفي يا معلم لك عليه عهد وافي لأحفظ دروسي وأقوم بواجباتي بس تكفى يا معلم زان كافي الفلك والخيزران أدمت حفاتي علي بن معاضه - الرياض قولوا ترى تمثيل ماهو حقيقه تراث يوم الناس للعلم شفقين والا يجي مندوب صلف تحقيقه ندب الوزاره بيد بندق وسيفين عبدالكريم النغيمشي - الربيعية له صياح وعلى ظهره طارحينه والمعلم يضربه بالخيزرانه جاه حقه كان ماهم ظالمينه يستحق الضرب من غير الأهانه زبن مقبل العنزي - بريدة المطوع قام يضرب بالعصا المطوع من قديم له مقام يضرب اللي ما حفظ ولا قرا يضرب الرجلين مع روس الإبهام عبدالعزيز حماد الدهمشي - الخوة جالدك جالدك حتى لو تأوه حيث هذا قليل من جزاك لا تصيح وأسكت لا تفوه خل غيرك يشهد على خطاك حمد عبدالله الوايلي - حوطة سدير نستقبل مشاركاتكم الشعرية على الفاكس رقم 4871070حتى مساء الاثنين أو الإيميل الخاص بصفحة الخزامى: [email protected] زاوية (صوت الصورة) ويا هلا..
