ذالي سنه

ذالي سنه يالترف وآنا برجواك
والعين تذرف دمعها من ولعها
والضحكة اللي تنطلق من شفاياك
مدري من اللي ياغرامي قطعها
كانه حيا مع خوف هذي مزاياك
لاشك ضحكاتك فتني دلعها
لا واعذابي يوم اناظر محياك
لك صورة قلبي بشوفه طبعها
الى عرضها قمت اهوجس بطرياك
لو ما غلاك ان كان مل وقشعها
لكن على بالي خيالك.. وذكراك
ومحبتك قلبي بشوقه زرعها
لا تقطعين الوصل ماطيق فرقاك
وانتي دوى عين تزايد وجعها
يفداك عمري ياهوى البال يفداك
ولو تطلبين الروح لبيت معها
احمد بن عثمان السكران