واجب علينا نقول الحق والزامي ولا نتناقل كلام(ن) فيه الارجافي

بيت الأسبوع الماضي كتبه للصفحة الشاعر مشعل بن صنت العصيمي من الخرج ويقول:
امْراية الدوله ويا الشعب الاعلامي
لاصار نقل الخبر من مصدر ٍ وافي
وكان الصدى كما عهدنا من الشعراء الرائعون:
ناس تعبث عليها الزيف الزامي
مغلوطه اخبارها وتاخذ من السافي
تظلل الخلق وتقصد نسفة حزامي
والكذب حبله قصير يكشف الخافي
والشعب واعي يمثل راية احلامي
مع دولة على شعبها ستر والحافي
في ظل مجد عريض لبسه اسلامي
ما تنطلي فيه لعبة الزمار والهافي
حمد عبدالله الوايلي - حوطة سدير
بيتين تِغْني عَن اللي فيه الاعلامي
للَّي يريد العوافي يالله الكافي
نَقل الخبر يُوجب الصح ياهل الافهامي
قبل النقل 00 مصدره مقنع وله كافِي
ومِن مصدرٍ ثابت وذا شرط اِلْزامي
حتى الهدف ياصَل من دون الخلافي
سعود عائش الحربي - جدة
واجب علينا نقول الحق والزامي
ولا نتناقل كلام(ن) فيه الارجافي
إعلامنا في بلدنا درعنا الحامي
ندفع به الشر لوه كان بالخافي
هذا فخرنا رفعنا فيه الاعلامي
وبين الدول دايم نسعى بالانصافي
سليمان بن عبدالعزيز السنيدي - الرياض
الله يعز البلد ويعز الاسلامي
والله يديم الامان فراش ولحافي
ويحفظ ملكنا الامام وابن الامامي
ويحفظ ولي العهد محمد الوافي
واللي يحاول يزعزعنا بالاقسامي
يموت في غيضه ويكتف بالاكتافي
رجا عادي بن رمال - الرياض