نظمت بدع أبيات

واللي قراها
تبكي عيونه قبل ما يكمل البيت
دنيا التعب كلن تكبد غثاها
حتى الكريم المحترم طيب الصيت
والحمد لله راضي في عطاها
واعوذ بالله وطلبه يوم صليت
ومن قدم الحسنات يلقى جزاها
الله كريم ويرحم الحي والميت
والنفس جاهدها وصحح خطاها
في كل شي الها مكانه وتوقيت
والرجل في ممشاك ثبت خطاها
لا تنحدر وتندم بدرب به مشيت
والنفس لا تظهر هواجس خفاها
خلك حكيم بهرجتك كل ما بديت
والناس لو يعجبك ظاهر بناها
تظهر علومك لسموع المناصيت
وأصحابك اللي ماشي في رضاها
بكره يصير الوضع فرقه وتشتيت
يالله يا عالم بالارض وسماها
تلطف بحالي كل ما صبحت ومسيت
محسن قبلان العتيبي