هذا النفاق و فيه ثلاثة خصال مسكين يا راعيه لا جت وفاته

كتب لغز الأسبوع الماضي للصفحة الشاعر شجاع الهجهوج من الرياض ويقول:
انشدك عن رجل كريه ومحتال
يحمل ثلاث من البني في عباته
اول ثلاث حروف يشبه للآمال
وخامس ورابع حرف عكس انفلاته
له منزل لا استوفيت كل الآجال
في قاع بنت هذي ابرز صفاته
وهذه حلول اللغز:
حييت يازين السجايا والاحوال
يالطيب الوافي بذكره وذاته
اللغز حله للمذله وينقال
هذا المنافق مرجعه لشماته
علي الرشيد - رياض الخبراء
هذا النفاق وفيه ثلاثة خصال
مسكين يا راعيه لا جت وفاته
ابنصحك تتوب يا طيب الفال
تعوذ من الشيطان و اترك صفاته
محمد بن عبد الرحمن أبو دحيم - البدائع
يامرحبا ترحيبة تشرح البال
ترحيبة العود العمى في بناته
واللغز عندي ياكريمين الاسبال
هذا المنافق جعل تقضي حياته
خالد المرشود - الرياض
صار المنافق له مكانه ومنزال
عسى الولي مثله يعجل وفاته
واللغز محبوك بلا شك وجدال
افقت نوم اللي غريق بسباته
صالح محيسن الجعفري - الرياض
لغز الأسبوع
مشاركة محمد بن عبدالرحمن - أبو دحيم من البدائع في لغز الأسبوع ويقول:
هوين ياللي ترغبون الحجاوي
في كل دوله جالهم طور و حدود
اعمارهم متقاربة بالتساوي
النقص ما تنقص و مرات به زود
نستقبل الحلول خلال "ثلاثة أيام" من نشر اللغز على إيميل الصفحة:
rb-khozama@alriyadh.com