تسعين عام وانقضت من فوقها زاد سنتين

يالله عسى دار السعد في عز تبقى بالوجود
دار الرجال الوافيه دار الكرام الغانمين
أهل السطر أهل الشيم اللي حمت كل الحدود
بقيادة الحر الأبي سلمان بالموقف يبين
أبوفهد رمز لنا كريم وال شعبه يجود
خادم حرمنا ما ذخر يمد للشعب اليمين
ياما عطاء ياما بذل والشعب من خلفه جنود
يارب تحفظ سيدي وتمد عمره بالسنين
رمز الوفاء رمز القيم ندعيك ربي بالسجود
أبوفهد صان البلد والمملكه بالراحتين
ماقصّر بواجب أبد والخير من ربي يزود
ومحمد الوافي سند يزاحم بجنب. ٍ متين
والمملكه من رؤيته تواجه بعزمه صمود
سارت مسار ٍ للعُلا خلّى مكانته تبين
صرنا من أعظم هالدول عبر العمل عبر الجهود
تسعين عام وانقضت من فوقها زاد سنتين
المملكه عز ٍ لنا في بحرها وألا النفوق
يارب وفّق قادتي ياواحد. بك نستعين
واحفظ لنا أهل السطر حكّامنا آل السعود
تسعين عام وانقضت من فوقها زاد سنتين
عبدالكريم إبراهيم ابن خزيّم