موطن التوحيد

يا موطن التوحيد الله عبدناه
ويا دولة ابن اسعود بالله حكمها
الله نصرنا يوم حنّا نصرناه
والله وُمَر عبدالعزيز وحسمها
حارب وجاهد لين طوّع وطعناه
وعلى الشريعه دولته هو رسمها
دستورها القرآن منهج نهجناه
وعقبه اعياله كل من جا استلمها
سعود والفيصل وخالد عرفناه
وفهد وعبدالله ولا أحدٍ ثلمها
جزاه منا كل خيرٍ ويجزاه
ربٍ رحيمٍ والخلايق رحمها
واليوم عهد المجد والعز والجاه
عهد المليك الحازم اللي حزمها
سلمان سلمان الحزم لا عدمناه
حامِي بيوت الله وخادم حرمها
ما ينحني إلّا في صلاته لمولاه
وعلى الفساد اسرج وحطم اهممها
ما قال ذا اقريّب وسامح وخلاه
حاسب جميع الفاسدين وحجمها
وُولي عهده في الوغى يرهب إعداه
شبيه عودٍ حكمته محتكمها
عبدالعزيز اللي حكمها بيمناه
من قوة الله قوته مستلمها
قوَّته بالله ما طلبها من أعداه
إلين وحدها وثبّت قدمها
بنَى لنا مجدٍ ويا زِين مبناه
مجدٍ تليدٍ عاليٍّ في قممها
وارسى القواعد ثم شيّد وعلاه
حصنٍ منيعٍ لين رفرف علمها
بالدين والتقوى وزرعه على ماه
يرجي حصاده من مكارم قيمها
وشفنا ثمر زرعه على ما تمناه
نجني ثمر زرعه و يا ربّ دمها
والشعب وافي والوفا دوم مبداه
مع القياده محتمين بعلمها
فحياتنا بالدين والعز نلقاه
في طاعة الله سعد من هو لزمها
وصلاة ربي عد وبلٍ نثر ماه
على نبيٍّ دعوته ما كتمها
محمد بن عايض آل حميضان الودعاني