يا عيونها وشلون أبغض العيون

محبوبتي والحب لا يمكن يهون
أصدق شعور ولا له بقلبي خشير
إن أقبلت ملكت ما لا يملكون
واِليَّ أدبرت لو أملك الدنيا فقير
ياعيونها وشلون أبغض العيون
من غيرةٍ تحرق ولي حق أغير
من حسها المرهف ليَّا الصدر الحنون
ومن الحياء العذب للشي الكثير
يا قلبها مهما حكوا ما يعرفون
اني ولا أسمع فيك يالقلب الكبير
أنت البياض اللي غلب سود الظنون
يالاول الآخر معي طول المسير
عهداً على قلبي وقلبي ما يخون
إن حبها محفوظ للمثوى الأخير