التجارب عطتنا ميزة الاحتمالي درستنا مشاوير الحياة المفيده

كان بيت الأسبوع مجاراة لبيت الشاعر سلطان الهاجري الذي يقول:
التجارب عطتنا ميزة الاحتمالي
درستنا مشاوير الحياة المفيده
وكان صدى البيت من الشعراء رائعاً كما عهدناهم:
نبْتسِمْ لوْ هُمُومِ القلْبِ ثِقْلِ الْجِبالي
ما شكينا الهُمُومِ الّا لِخَالقْ عبيده
مَا لْتِفَتْنا لماضٍ راح مرٍّ وِحالي
نبْنِي جْسور عزٍّ للظّروف الجديده
ما ذخَرْنا جميلِ وْلا جمعنا الريالي
من نصانا لِحَاجهْ بَيَّنِ هْلالِ عيده
مالنا عنْ طريقِ المجد درْبِ وْ مجالي
خامل الذِّكْرِ ميّتْ لوْ حياته مديده
ناصر جمعان آل عوض - وادي الدواسر
لافض فوك اديب قول وجمالي
منطق حكيم والمعاني فريده
التجارب مدارس وللخبير السوالي
المثايل جميله والشكر للجريده
صالح محمد البشري - الرياض
من مشى بالتجارب لازم انه يسالي
ياخذ علوم غيره من رجالن سديده
وكل منهو مشاها لازم بالعدالي
لايضيع طريقه ياجد اللي يريده
من مشاها هنيه قلت هذا مثالي
ذي سلوم قديمه ولا علينا جديده
محمد بن عبدالعزيز الخنيفر - اشيقر
كم مرت علينا من عداد الليالي
علمتنا معاني كل ابوها مفيده
من يريد المعزة يرتفع للمعالي
لين صار امتميز يوم قالوا وليده
يلتزم بالقرابه في دوام الوصالي
يستمر ابعلاقة والمحبة يزيده
على الرشيد - رياض الخبراء
شفت لَوْلَا التجارب مِعْ طوال الليالي
ما عرفنا الخطا ولا عرفنا السديده
فالتجارب كما نور فأية مجالي
استفد من خطاك وابد خطوه رشيده
مِن اعتبر فالليالي قادته للمعالي
وتضرب امثال فيه وش هذاك الوليده
وصحح اخطاك بدري كلها يا حلالي
من تجاريب قبلك خذ معاني مفيده
سعود عائش الحربي - جده
اسال الفاهم اللي من سنينن طوالي
وخذ علوم النشاما من رجالن رشيده
قاله الشاعر اللي نظم شعره خيالي
والشعر به رجالن بالوفاء هي تفيده
ريان بن محمد الخنيفر
كل الايام زينه بالعنا ما نبالي
كلنا ماعلينا من ظلام المكيده
في ذرى اللي كريمين العطا والسبالي
السعود الكرام اهل الهقاوي البعيده
من عهود قديمه بين مر وحالي
ولين عهد المليك اللي فعوله مجيده
عاش سلمان يا راعي الامور الثقالي
وعضدك محمد اللي كل ارائه سديده
حمد عبدالله الوايلي - حوطة سدير
"بيت الأسبوع "
بيت الأسبوع مجاراة لبيت الشاعر الأمير بدر بن عبدالمحسن الذي يقول:
أنا بدوي ثوبي على المتن مشقوق
ومثل الجبال السمر صبري ثباتي
نستقبل صدى هذا البيت خلال أربعة أيام من نشر البيت
على إيميل الصفحة:
rb-khozama@alriyadh.com