لا صار نسناسٍ ولا هو بصافي يصعب على الرَّجال فيها مماشيه

يمشي ويحمل في يمينه متاعه
والجو صافي تحت الأشجار محلاه
في موقعٍ ما فيه مشرى وباعه
قصد الوناسه يسعد النفس مبداه
المشي طيّب دام فيه استطاعه
صحة ومكسب من عواقيب ممشاه
على الرشيد - رياض الخبراء
لا صار نسناسٍ ولا هو بصافي
يصعب على الرَّجال فيها مماشيه
ومن الصحاري جالنا زود سافي
اطلب من لله نو جا من مناشيه
وتاجي مدنا من رشاشه نظافي
وترعى كبار البل منه وحواشيه
محمد عبدالله الشهري - جبل اثرب
الشوارع اظلمت وازداد الظلام
والحذر بالسير لاجيت المسير
لابغيت المشي يلزمك اهتمام
مثل هذا الجو في سيرك خطير
ذي رساله وانتبه يا ابن الكرام
انتبه للدرب في يوم المسير
محمد عبدالعزيز الخنيفر - أشيقر
في كل عامٍ دايم الجو ميعاد
بين الشتاء والصيف وأيضا ربيعه
اربع فصولٍ يجري الوقت ينعاد
تكوّنت منها جمال الطبيعه
حتى الغبار اللي معه خير يزداد
الناس صارت ترفضه ما تطيعه
خالد ناصر المخيمر - روضة سدير
هبت هبوب الصيف والوقت منعاج
غلطان ياللي ماشياً في مزاجه
عساك سالم يا عميلي من إحراج
بالك تكرر ماحصل في عجاجه
حمد عبدالله الوايلي - حوطة سدير
طاقيتك لا تطيح لا تطيح في العج
وتصبح تدوّر في الشجر والممرات
يالله بغيمٍ فيه برقٍ تلاعج
يمطر يغسل الطرق والبنايات
سعود عبدالعزيز الهزاع - نعام
مرّت علينا أيام والجو مكدور
وانزاحت الغبرات انزاحت اكدار
والدار زانت كلها نور في نور
الحمد للمعبود علام الاسرار
عقبه لفانا خيور ومن عقبها خيور
بجواً يسر القلب بنزول الامطار
ريان محمد الخنيفر
نرحب بمشاركاتكم الشِّعرية، وما تلتقطه عدساتكم من الصور الهادفة والطريفة على إيميل الخزامى:
rb-khozama@alriyadh.com
صورة العدد السابق