ماكل من يقنص يصيد الاشاره والحل ذيل الناقه اللي تشوفه

لغز الأسبوع الماضي كان للشاعر سعد صنهات السهلي من الدرعية والذي يقول:
انشدك عن شين يجيد الاشاره
يشر على شين خفى ماتشوفه
متاكدن وكاد هذا قراره
اللغز واضح يكشفنه أحروفه
وصل لإيميل الصفحة أكثر من 73 حلا لم يكن من الرمعات صحيحا سوى:
ياللي كتبت اللغز حبك وجدارة
وضحت شي ماتخفى وصوفه
الناقة اللي ذيلها للا ثارة
تراه حل اللغز خفض ووقوفه
على الرشيد - رياض الخبراء
يعني نجيب الحل فكر وخباره
ذيل المعشر لابدا في وقوفه
عبيد بن عبدالله بن رمال - الجوف
إلى المعشر دوم يعطي اشارة
إليا جاء الفحل يم المعشر يحوفه
سبحان من سواه و اثبت قراره
لو ما نشوف الحمل ربي يشوفه
محمد بن عبدالرحمن - أبو دحيم - البدائع
ذيل يشاول للفهيم الاشاره
خذ حلنا من دون جهد وكلوفه
صالح إبراهيم المرشود - الرياض
ماكل من يقنص يصيد الاشاره
والحل ذيل الناقه اللي تشوفه
نواف هايف الجبرين- الرياض
اللغز صعب وللمفاهيم شاره
لاشاولت بالذيل واقفت عيوفه
بدر لافي الحربي - بريدة
«لغز الأسبوع»
هذا اللغز تراثي يقول اللغز:
سميها بمعسكرات المسامير
تلعب به الطوعات حرد اليماني
والاسم الآخر عند حضر على بير
تلقاه مايبعد عن البردهاني
ملاحظة :
معسكرات المسامير: أي الخيل
البردهاني: الماء