يادار وين اللّي سِكَن فيك يا دار

راحَوا هَلِك يا دار والوقت جاري
راحت بهم الأيام والوقت غدّار
قفّوا وراحوا عقب ذاك النهاري
من يوم شفتك كِن قلبي على نار
ودمعي على اللّي شِفت عالخَد جاري
وإليا مِشيت الخط راحت بي أفكار
قامت تجِي وتْرُوح والفكر جاري
أصِد لا أشوفِك لِيا جيت مرّار
أخاف من عيني تهِل العباري
وأنته على دربي ولا فيه دَوّار
كان أفترق يمين وإلا يساري
مَيرا أنت قِدمي غصب لا رجت للدار
غصبٍ عَلَي وأشوف ذاك الجداري
اللّي لِيا شِفتك بالأنظار
أونست في كبدي طعُون بشباري
واحِن لك يادار يا دار الأخيار
اللّي عليك القلب شَاف العزاري
شعر : نفل بن محمد الصخيري الدوسري