بيت وصدى

بيت الأسبوع كان مشاركة من الشاعر حمد الوايلي من حوطة سدير والذي يقول:
يوم الوطن مشهود من بين الأيام
ودامت بلادي ترفل بخير وافراح
وكان الصدى من الشعراء:
دامِ الرّخا يا دار عامٍ بَثَرْ عام
ياديرةٍ ذكركْ بالامْجَادِ فوّاح
في حكم سلمان الوفا نسْلِ الاكْرام
نافذْ بصيرهْ منْهَجَهْ بذْلِ وإصلاح
ناصر جمعان آل عوض - وادي الدواسر
في كل وقت ومشينا دوم قدام
بفضل قادتنا ترى الشعب مرتاح
حكم الشريعة نهجنا سلم وإسلام
واللي يخالف دربنا ضده اسلاح
علي الرشيد - رياض الخبراء
عاش الوطن بافراح يوم الوطن قام
عزه على التوحيد واسلام وكفاح
وحَد صفوفه حاكم الشعب الإمام
عبدالعزيز مثبت الحكم ما طاح
مشعل بن صنت العصيمي - الخرج
نحتفي باليوم عامٍ بَعَد عام
دامِه جِمعنا والهدف فيه وَضَّاح
وسلمان رمزٍ مِن قياداتٍ اِعْظام
أهدافها عِز و محبَّات واصلاح
سعود عائش التميمي الحربي - جدة
«بيت الأسبوع»
بعث الشاعر فنيدان الشلوي من الرياض بالبييت الاجتماعي للشاعر حمود البغيلي الذي يقول :
ياكثر ماقلت ابا آسوي وابا آسوي
ولا فيه شيء من اللي قلت سويته