تسع وثمانين عام وسيرتك عطره قدام ياموطن العز السعودية

الوطن ......الأم التي حضنتنا بحنانها ورحابة صدرها، ذلك الكيان الشامخ في مهجة كل مواطن سعودي أبي ستحل ذكراه السنوية بعد أيام، وبيت الأسبوع يتكلم عن الفرحة بحلول هذه المناسبة الغالية على الأوفياء والبيت لمعد هذه الزاوية الذي يقول:
تسع وثمانين عام وسيرتك عطره
قدام ياموطن العز السعودية
وكان صدى البيت من الشعراء:
هذا وطنا علينا ياكبر قدرة
نفدا الوطن قلت وراية سعودية
الفضل لله وحنا نكرر لشكرة
وحنا فدا للوطن مليون بلمية
حنا ترا اليوم مانقولك بكرة
الموت سنه وحنا صح سنية
كم واحداً لانكسر حنا جبر كسرة
نفزع مع المنكسر فزعه الاهية
سعد صنهات السهلي - الدرعية
يا دارنا زينة العالم ويا فخره
مالك مثيلٍ بشرقيّه وغربيّه
من رادك بْشرّ رِدّ الكيد في نحره
دار الحرم بإذن ربّ الكون محميّه
أسسْكِ عبدالعزيزِ بْجهْدهِ وْصَبْره
في دوْلِةٍ ساميه تدْعى السعوديّه
وحّد ربوعك ومن أجلك بذل عمره
شيدك دولةْ قيَمْ دوله حضاريّه
قايدْ محنّك بِتَفْكيره سبق عصْره
من طِيب حظه جنَى أسمى أمانيّه
ناصر جمعان آل عوض/ وادي الدواسر
يا موطن العز من حينك على الفطرة
يفخر بك الشعب بالروحات والجية
نفديك بار واحنا حتى اخر القطرة
بقيادة العاهل اللي مخلص النية
وايضا عضيده على الطولات له قدرة
مع راية العز والامال مبنية
على الرشيد - رياض الخبر اء
يامهبط الوحي كبدي فيك منفطره
في ظل حكامٍ نشاما شقردية
اطبك ربي عدد ماهل من قطره
تبقى لنا مهبط الإسلام محمية
أحمد بن ناصر المحرج - الرياض
ذكرى المؤسس ابوتركي له الفكره
لاعل روحه بجنه خضره وفيه
المملكة دولة معزي لها عشره
تبقى فخر لامة الاسلام محميه
تبقى عمى كل حاسد مبغض نكره
سُوَر العرب راعيه ماهي بمرعيه
صالح محمد محارب البشري - الرياض
خلفك نشاما من اجلك دايمن سهره
ابو فهد مع ولي عهده سنافيّه
القايد اللي من اجله يشقي بعمره
قضى سنين الفخر ماهيب منسيّه
كلن يحبه ويسعد دوم في ذكره
ذا موطني له بوسط القلب حنيّه
محمد بن عبدالعزيز الخنيفر- اشيقر
مضت سنين بها الخيرات منتشره
الله يجير الوطن من الاشرار والسيّه
الوطن غالي ياربنا تعمره
له مكانه كبيره ماهيب مخفيّه
دارالحرم غالي كلن يخبره
ومن يحكمه ماخفاهو صافي النيّه
ريان بن محمد الخنيفر - أشيقر
عبدالعزيز الموحد عالين قدره
اسس بلادن على التوحيد مبنيه
هذا الوطن للسعودي اغلى من عمره
يستاهل الموطن التقدير وتحيه
واللي يعادي بلدنا يصطلي جمره
وياجيه ويلاتن ويغدي لنا اضحيه
محمد عبدالله علي ال عيسي الشهري - رجال ألمع
دم ياوطن لك كل السمع والنظره
انت الهوى والضيا والروح والميه
تسع وثمانين عام للوطن سبره
تفخر بها ارض مع شعب السعوديه
ينصان فيك العهد والدين والنبره
وعلى خطى المصطفى بالدين مبنيه
وسط الوطن بالمحبه كلنا اسره
ونعيش بالخير في ارضه سواسيه
بالحب يا أول الميزان والفطره
تحية من مهج نشمي ونشميه
سعود عايش التميمي الحربي - جدة
ذكرى توحيد المملكه دام ذكره
سجل لها التاريخ مليون طيه
دارت وجأت وامنها دام ستره
بقيادة اللي قادها قلت حيه
عم الامن وازداد في كل شبره
عاشت بلادي شامخه ذا السعوديه
خليف فهيد الحربي - الرياض
بيت الأسبوع
كتبه للصفحة الشاعر فنيدان الشلوي حول ضرورة الجد والاجتهاد في بداية هذا العام ويقول:
همه من اول يوم ياطالب العلم
ترى الزمن يمر مر الكراما
نستقبل صدى هذا البيت بهذه المناسبة خلال أربعة أيام من نشر البيت على إيميل الصفحة:
rb-khozama@alriyadh.com