صار للفتنه والفرقى بريد

إن رأى أحباب بالدنيا حقد
وابتدا باعماله الشينه يكيد
وان سمع شيٍ عن اثنين استجد
صار للفتنه والفرقى بريد
عادته هو شخص ما يترك أحد
بالمياه العكره الواشي يصيد
واول اهدافه قريبه لو صعد
أو سمع إنسان بافعاله يشيد
ما ينام الليل في راحه أبد
غير يلقى الأخ عن خيه بعيد
ياتي بصورة صديقٍ لك سند
وناصح وعلمه لك العلم الأكيد
ولا ضمن مكره أحاديثه سرد
في دهاء وخبث واسلوبٍ فريد
بعض قوله صدق عنده له سند
يمزجه مع كذب يخدم ما يريد
المهم يدق بالعشره وتد
وصورة اغلى الناس شوها أكيد
وعادي ان شفته مع ذاك اتحد
مع صديقك أمس بانجازه سعيد
يا منافق خذ على نفسك عهد
توب عمرك راح وذنوبك تزيد
واحذروا يا ناس هذا للأبد
كيف هو من جهل احدنا يستفيد
واعلموا ما كل من ذكره ورد
له نوايا مبيته والله شهيد
دام ما بالقول تشويه او حسد
الله يسامح ويغفر للعبيد