عقب العذوق المايلات المراطيب اليوم ما حال المطاليع حالك

بعْدِ العَطايا نخلةِ التّمْرِ شبْتي
وخلّاك منْ هُوْ بالعنَايهْ يراعيك
البيتِ خالي ما بقَى غِيرِ أنتِ
ما عادِ بهْ طيرٍ بصوتهْ يسَلّيك
ناصر جمعان آل عوض - وادي الدواسر
جار الزمان وراحت سنين الأيام
قفّت بنا يالله عسى الأمر خيره
النخلة اللي حققت كل الأحلام
وقتٍ مضى أيام صعبة عسيرة
خالد ناصر المخيمر - روضة سدير
النخلة اللي ربعها ولعوا به
قامت تحداهم ترى قلبها حيّ
كلٍ يقدرها على طول محبوبة
ياخي لا تبخل على النخل بالري
علي الرشيد - رياض الخبراء
للنخلة اللي شامخة فوق المباني
مقدار واسمٍ لو يبس جريدها
صامدة رغم الظما صِعْب المكاني
وكل الأماكن بالوطن هي سِيدَها
سعود عائش الحربي - جدة
أهلها راحوا ولا به من يواليه
في فلةٍ مهجورةٍ عدّة اسنين
في منظرٍ محزن وكلٍ يواسيه
هذي دروسٍ بينه للعزيزين
محمد عبدالعزيز الخنيفر - اشيقر
لا والله إلا هملوك المعازيب
ما عاد من سقيا ويا عزتا لك
عقب العذوق المايلات المراطيب
اليوم ما حال المطاليع حالك
منير مذكر العضياني
البيت والنخلة لهم عمر محدود
ياما سكن فيها من الناس غالين
واليوم مهجور والأطلال موجود
الوقت يمضي والأجواد سالين
حمد عبدالله الوايلي - حوطة سدير
ماتت النخلة ولا يمكن يصير
كيف ننسى فضلها ذاك الزمان
كم لها في ما مضى فضلٍ كبير
وكم لها بقلوبنا عزّ ومكان
ريان محمد الخنيفر
الباسقة ما تستوي جنب فلة
يا ليتها في جال وادي به السيل
تغرس بوسط الطين والطين ادله
بنْي العماير بالمزارع خطأ حيل
محمد عبدالله الشهري - أبها
صورة العدد السابق