هذي هي الذكرى بذاك الزماني ذكرى الجدود أهل الوفاء بماضيٍ فات

صوت الصورة

يا زين وقتٍ مضى زيناه
يوم السواني على البالي
اللي رسمتوا ترى شفناه
محال وأغروب وأحبالي
زمانهم راح ماعشناه
واليوم هاتف وجوالي
عبدالكريم عبدالرحمن السلوم - القرائن
هذي هي الذكرى بذاك الزماني
ذكرى الجدود أهل الوفاء بماضيٍ فات
عاشوا على الاتعاب وقت السواني
الطيب فيهم ما خفا دوم عادات
محمد عبدالعزيز الخنيفر - اشيقر
حيّ الزمان اللي مضى ما نسيناه
قفت به الأيام يا المودماني
يوم الفلاح من الفجر يرسم خطاه
يم النخل يحسب حساب الثواني
خالد ناصر المخيمر - روضة سدير
الجمال في المنحات تسحب من العين
عذب الشراب اذا انزعج يا صل الجال
طوال الخطاوي كل ابوهن بعارين
بشدادهن حبال يدرج بمحال
سعود عبدالعزيز الهزاع - نعام
شوفوا التعب يا ناس ذيك السنيني
ياما يذكرنا رجالٍ اصيلين
من اجل لقمة عيش تشقى وتعيني
حياتهم اتعاب وكلش على الزين
ريان محمد الخنيفر
زمان أول به الناس مرتاحه
فيه الوفا والطيب بين الأصاحيب
واليوم أشوف فالساحه
ضيق النفوس وزود كثر المطاليب
بشائر القحطاني - الرياض